Agjencitë ruse të spiunazhit kanë arritur një shkallë më të madhe suksesi në Ukrainë sesa ushtria e saj, e cila ka hasur në pengesa të shumta.
Kreu i inteligjencës së jashtme të Rusisë, i tha Presidentit Vladimir Putin se atyre u duhej më shumë kohë për t’u përgatitur, duke kërkuar që të shtyhej pushtimi, por kërkesa e tij u refuzua.
Kjo është ajo që pretendohet në një raport prej 39 faqesh nga Instituti Mbretëror i Shërbimeve të Bashkuara (RUSI), i cili synon të paralajmërojë qeveritë perëndimore për shtrirjen e operacioneve sekrete ruse për të përmbysur një vend.
Raporti thoshte se agjencitë ruse të spiunazhit filluan përgatitjet për pushtimin e Ukrainës që në qershor 2021 dhe se Shërbimi Federal i Sigurisë kontrolloi shpejt popullatat në zonat e pushtuara të Ukrainës.
Shërbimet speciale ruse, thuhet në raportin e publikuar nga BBC-arritën të rekrutonin një rrjet të madh agjentësh në Ukrainë përpara pushtimit dhe pjesa më e madhe e aparatit mbështetës mbeti aktiv pas pushtimit.Sipas raportit, edhe spiunët kanë pasur të metat e tyre.
Vlerësimi i tyre fillestar përpara pushtimit, i dhënë Presidentit Putin, ishte se forcat ruse do të priten krahëhapur dhe se qeveria në Kiev do të shembet shpejt.
