Policia ka zbuluar në Rrugën e Arbërit, dy magazina ku stampoheshin veshje të kontrabanduara, me logo false.
Operacioni “Fake Star 5 çoi në arrestimin e 4 personave dhe shpalljen në kërkim të një shtetasi turk që drejtonte skemën e stampimit të logove false të markave luksoze në veshje të kontrabanduara nga jashtë.
Në pranga kanë rënë katër persona Luan Haka, Ali Bushati Xhuljo Lecaj dhe Arjan Hida.
Ndërsa në kërkim janë shpallur 2 persona, Lindion Haka dhe turku Ozkan Sulun.
Procedohen në gjendje të lirë 4 punonjës.
Sekuestrohen sasi të mëdha veshjesh, dhjetëra makineri qepjeje, printimi ose stampimi, logo të markave të njohura ndërkombëtare, 6 dokumente të shtetasit turk, një shumë lekësh, njësi kompjuterike, 1 celular, si dhe sende/dokumente të tjera që do t’i shërbejnë hetimit.
Luan Haka rezulton të ketë qenë kandidat për deputet i Partisë Demokratike në zgjedhjet e vitit 2021.
Haka po ashtu ka kandiduar edhe për kryetar bashkie në Dibër në vitin 2022. Ndërkohë, policia ka shpallur në kërkim djalin e tij, Liridon Haka.
Një nga ambientet ku u gjendën makineri e logo të markave të njohura ndërkombëtare, si Hugo Boss, Tommy Hilfiger, Calvin Clain, Air Jordan, Balenciaga, Dolce Gabana, Valentino, Prada, Philip Plein, administrohej nga Luan Haka dhe i biri.
j.l./ dita
Aty ska garanci per ushqimin ilacet jo me per rrobat.