Ish-ministri i Shëndetësisë Ilir Beqja do të pyetet sërish në SPAK për koncesionin e sterilizimit.
Në dyert e prokurorisë së Posaçme do të pritet të mbërrijnë edhe 4 ish-zyrtarët e tjerë për të cilët gjykata ka sugjeruar hetimet.
Beqaj do të pyetet në lidhje me udhëtimet që ka kryer në drejtim të Italisë dhe Vjenës me ish-zëvëndësin e tij Klodian Rjepaj dhe biznesmenin Ilir Rrapaj që fitoi Koncesionin për sterilizimin e seteve kirurgjikale.
Ish-ministri i Shëndetësisë thotë se këto persona, i ka njohur pasi mori detyrën dhe kontratat me ta i ka firmosur për nevoja pune.
“Në shtator 2016 është e vërtetë se kam udhëtuar për në Vjenë. Sipas hetimit paska qënë edhe Admir Daca. Mundet. E kam njohur vetëm ditën që kam firmosur kontratën”, shkroi Beqaj në një reagim në Facebook.
Kujtojmë që prej datës 17 gusht, të arrestuar me masë sigurie burg janë ish zv/ministri Klodian Rjepaj dhe biznesmeni Ilir Rrapaj, ndërsa 6 të tjerë janë në hetim në masa sigurie ‘arrest me shtëpie’ ose ‘detyrim me paraqitje’.
j.l./ dita
