Presidenti rus Vladimir Putin nderon me Urdhrin Shtetëror të Miqësisë, aktorin e njohur amerikan Steven Seagal. Në dekretin e firmosur nga shefi i Kremlinit, Seagal vlerësohet për “kontributin e madh në zhvillimin e bashkëpunimit ndërkombëtar kulturor dhe humanitar”.
Seagal ka qenë një vizitor i rregullt në Rusi dhe u bë shtetas i vendit në vitin 2016, kur mori një pasaportë ruse nga Vladimir Putin personalisht. Ai ka punuar gjithashtu si “përfaqësues special” i Ministrisë së Jashtme ruse në Shtetet e Bashkuara dhe Japoni.
Ish-heroi i aksionit mbështeti aneksimin e paligjshëm të Krimesë nga Rusia dhe ka mbështetur pushtimin e saj në Ukrainë. Ai vizitoi zonën e pushtuar të Donbasit verën e kaluar. Në një intervistë në televizionin rus vitin e kaluar ai foli për një kërcënim ekzistencial ndaj Rusisë nga Ukraina.
m.b./dita
