Ndërsa studentët e Mjekësisë prej ditësh protestojnë para Ministrisë për planin se duhet të punojnë 3 vite në Shqipëri, përpara se të diplomohen, rektori i Universitetit të Mjekësisë flet për politikat që synojnë t’i mbajnë mjekët në Shqipëri.
Ende nuk ka asnjë vendim konkret, por sipas Arben Gjatës propozimet janë hedhur për diskutim me grupet e interesit.
Gjatë një dalje për median, rektori Gjata sqaroi se ende nuk është vendosur nëse politikat e reja që do të frenojnë largimet e mjekëve jashtë vendit do të prekin edhe studentët aktualë apo vetëm të rinjtë që pritet të hyjnë në këtë program studimi.
Sipas përllogaritjeve të Universitetit, afro 3 mijë euro në vit mendohet të jetë pagesa e shkollimit për studentët e mjekësisë që refuzojnë të punojnë në Shqipëri 3 vjet pas studimeve.
Studentët aktualë të Mjekësisë kanë paralajmëruar vijimin e protestave për të kundërshtua politikat që sipas tyre ndalojnë lëvizjen e lirë.
o.j/dita
