Studiuesit kanë gjetur metale toksike – duke përfshirë arsenikun dhe plumbin – në dhjetëra marka të njohura tamponësh, duke ngritur pikëpyetje rreth një produkti të higjienës menstruale të përdorur nga miliona gra.
Studimi i tyre, i botuar javën e kaluar në revistën shkencore Environment International, i shtohet një numri në rritje kërkimesh rreth kimikateve që gjenden në tampona, por besohet të jetë i pari që mat në mënyrë specifike metalet.
Efektet negative shëndetësore të metaleve të rënda janë të mirëdokumentuara dhe të gjera, duke përfshirë dëmtimin e sistemit kardiovaskular, nervor dhe endokrin; dëmtimi i mëlçisë, veshkave dhe trurit; rritja e rrezikut të demencës dhe kancerit dhe dëmtimi i shëndetit të nënës dhe zhvillimit të fetusit.
Studiuesit ekzaminuan 30 tamponë nga 14 marka dhe 18 linja produktesh të blera si në internet ashtu edhe në dyqanet në New York City, Londër dhe Athinë midis shtatorit 2022 dhe marsit 2023.
Studiuesit zbuluan “përqendrime të matshme” të të gjitha 16 metaleve që po kërkonin në tampona, si dhe “përqendrime mesatare të ngritura” të metaleve toksike duke përfshirë plumbin, arsenikun dhe kadmiumin.
Studimi thotë se ka disa mënyra se si metalet mund të futen në tampona. Lëndët e para si pambuku dhe pëlhura prej fije artificiale mund të kontaminohen nga uji, ajri ose dheu gjatë prodhimit, ndërsa metalet në disa raste mund të shtohen qëllimisht në procesin e prodhimit ose për kontrollin e erës, pigmentin ose si agjent antibakterial.
Sipas studimit, sasia e saktë e metaleve ndryshonte midis tamponëve, bazuar në rajonin nga i cili ishin blerë, nëse ishin prej materiali organik ose jo organik dhe sipas studimit.
Përqendrimet e plumbit ishin më të larta në tamponët jo organikë ndërsa arseniku ishte më i lartë në tamponët organikë. Asnjë kategori nuk kishte përqendrime më të ulëta të të gjitha ose shumicës së metaleve.”
Studiuesit thonë se studimi shënon një hap të parë të rëndësishëm në konfirmimin e pranisë së metaleve toksike në tampona, të cilat përdoren nga rreth 52% deri në 86% e njerëzve me menstruacione në SHBA.
j.l./ dita
