Një shpërthim i fuqishëm ndodhi në yllin tonë të martën e këssj jave, duke lëshuar rrezatim që shkaktoi një ndërprerje të radios në Tokë. Shpërthimi, i klasifikuar si një flakërim diellor M9.6, ishte i mjaftueshëm për të prishur sinjalet e radios me frekuencë të lartë në Amerikën e Veriut, Amerikën Qendrore dhe Amerikën e Jugut, sipas Administratës Kombëtare të Oqeanit dhe Atmosferës.
Ndërprerja zgjati më shumë se 10 minuta. Një ekspert i tha ‘Insajderit’ se ngjarje të tilla mund të ndikojnë trafikun ajror.
Mathew Owens, një profesor i fizikës hapësinore në Universitetin e Reading, shtoi se Administrata Federale e Aviacionit “nuk do të lejojë fluturimet nëse nuk kanë komunikime radio dhe satelitore”.
Flakët diellore renditen nga A, të ndjekura nga klasat B, C, M dhe X. Një flakërim diellor M9 është vetëm një nivel nën klasën më të fuqishme të ndezjeve diellore.
Është mjaft i fuqishëm, por nuk paraqet rrezik për shëndetin e njerëzve.
