Tjetër sulm me armë në Shtetet e Bashkuara të Amerikës. Një person, i armatosur ka hapur zjarr në një fabrikë prodhimi në shtetin amerikan të Maryland, duke lënë të vdekur tre persona, raporton Skynews.
Ngjarja ndodhi në qytetin Smithsburg rreth orës 14:30 (19:30 GMT) ditën e djeshme.
Një oficer që u përpoq të ndiqte të armatosurin u qëllua në shpatull. Autori i dyshuar ishte larguar nga vendi i ngjarjes në kohën kur oficerët arritën, mirëpo u gjurmua në një automjet rreth pesë milje larg nga uzina.
I dyshuari u qëllua, u plagos e më pas u dërgua në spital.
Smithsburg, një komunitet prej afro 3,000 njerëzve, është rreth 75 milje në veriperëndim të Baltimores, jo shumë larg kufirit të Maryland me Pensilvaninë.
Të shtënat vijnë më pak se dy javë pasi 21 persona u vranë kur Salvador Ramos hapi zjarr në një shkollë fillore në komunitetin e vogël të Uvalde, Teksas .
j.l./ dita
