Sipas nformacioneve më të fundit nga mediat izraelite mësohet se, 7 izraelitë u vranë mbrëmjen e së premtes dhe disa të tjerë u plagosën në një sulm me armë zjarri.
Policia thotë se sulmuesi ishte “neutralizuar” edhe pse raportet e tjera thonë se ata mund të jenë në kërkim të një sulmuesi tjetër.
Sulmi, një nga më vdekjeprurësit për izraelitët në vite, ndodhi kur hebrenjtë shënonin të shtunën javore.
Një zëdhënës i Departamentit të Shtetit të SHBA-së e quajti të shtënat e së premtes në Jerusalem një sulm “absolutisht të tmerrshëm”.
“Mendimet, lutjet dhe ngushëllimet tona shkojnë për të vrarët apo të plagosurit në këtë akt të urryer dhune”, tha ai. “Ne e dënojmë këtë sulm të dukshëm terrorist në termat më të fortë. Ne jemi në kontakt të drejtpërdrejtë me partnerët tanë izraelitë.”
Sekretari i Shtetit Antony Blinken do të udhëtojë në rajon këtë fundjavë dhe Departamenti i Shtetit tha se nuk kishte asnjë ndryshim në orarin e tij.
Sulmi vjen pasi dhuna në Bregun Perëndimor të pushtuar nga Izraeli është intensifikuar.
Të enjten, ushtria izraelite kreu sulmin e saj më vdekjeprurës atje në vite, duke lënë të paktën nëntë persona të vdekur, përfshirë një grua 61-vjeçare. Izraeli tha se po bastiste shtëpinë e një militani në kampin e mbushur me refugjatë Jenin.
