Ambasadori izraelit në SHBA ka reaguar sot për bastisjen kundër Hamasit në Doha.
“Nëse nuk i kapëm këtë herë, do t’i kapim herën tjetër”, tha ai.
Diplomati Yechiel Leiter komentoi në Fox News rreth sulmit të Izraelit ndaj udhëheqjes së Hamasit, duke theksuar se lufta ndaj terrorizmit do të vazhdojë, kudo që ata ndodhen.
“Tani për tani, ne mund të jemi subjekt i disa kritikave. Ata do ta kalojnë këtë. Dhe Izraeli po ndryshon për mirë”, shtoi ai.
Mediat raportuan për të paktën 6 të vrarë nga bombardimi në Doha dhe IDF tha se sulmi ishte i saktë, por duket se asnjë prej shënjestrave, kryenegociatorët dhe liderët e Hamasit, nuk u prekën.
Nga ana tjetër, “Al Jazeera” informon se udhëheqësit e Lindjes së Mesme do mblidhen në Doha pas sulmit izraelit.
Udhëheqësit e Jordanisë, Emirateve të Bashkuara Arabe dhe Arabisë Saudite po udhëtojnë në Katar pas sulmit të djeshëm Izraelit.
Princi i Kurorës së Jordanisë, Hussein, dhe Presidenti i Emirateve të Bashkuara Arabe, Sheikh Mohammed bin Zayed Al Nahyan, do të mbërrijnë sot, ndërsa Princi i Kurorës së Arabisë Saudite, Mohammed bin Salman, do të jetë në Katar nesër.
j.l./ dita
