Tre të rinj nga Saranda janë vënë nën hetim nga policia, pasi në bashkëpunim me njëri-tjetrin kanë hedhur fishekzjarre në oborrin e një banese në Konsipol, pronarin e së cilës e kanë kanosur dhe goditur me grushte më pas.
Xh. P., 19 vjeç, E. B., 19 vjeç dhe F. P., 21 vjeç, të tre banues në Konispol, janë vënë nën hetim nga Policia e Sarandës, pasi dyshohet se në bashkëpunim me njëri-tjetrin kanë hedhur lëndë piroteknike (fishekzjarre), në oborrin e banesës së M. A., në Konsipol, të cilin më pas e kanë kanosur dhe e kanë goditur me grushte.
Po ashtu efektivë të Policisë Vlorë referuan materialet në Prokurori dhe shpallën në kërkim S. M., 41 vjeç, banues në Vlorë, pasi dyshohet se për motive të dobëta, ka goditur me shkop, dy 15-vjeçarë.
Ndërsa Policia Rrugore Vlorë arrestoi një 60-vjeçar me iniciale D.M , banues në Vlorë, pasi është kapur duke drejtuar automjetin, në gjendje të dehur.
Po ashtu u arrestuan L. K., 39 vjeç dhe E. M., 26 vjeç, të dy banues në Elbasan, pasi janë kapur duke drejtuar automjetet, në gjendje të dehur.
Materialet procedurale i kaluan Prokurorisë së Vlorës dhe Prokurorisë së Sarandës, për veprime të mëtejshme.
