Lëvizja Fermerë-Qytetarë ka arritur të fitojë mbi 15 vende në senat me pothuajse 20% të votave, duke u shënuar kështu si surpriza e zgjedhjeve në Holandë.
Partia e fermerëve pritet të jetë partia më e madhe në dhomën e lartë të parlamentit holandez pas zgjedhjeve lokale.
“Kjo nuk duket normale, por në fakt është! Janë të gjithë qytetarë ata që votuan”, tha udhëheqësja e partisë Caroline van der Plas.
Nga ana tjetër, komentatori Ben Coates e përshkroi rezultatin për BBC si “një tërmet në politikën holandeze”.
Lëvizja Fermerë-Qytetarë u krijua në vitin 2019 gjatë protestave masive të fermerëve.
Lëvizja u përhap me shpejtësi përtej fermerëve, në një platformë populiste e cila përfaqëson vlerat sociale dhe morale tradicionale, konservatore holandeze.
j.l./ dita
