Një darkë mes zyrtarëve amerikanë dhe përfaqësuesve të Katarit është zhvilluar në një atmosferë pozitive, sipas burimeve nga administrata amerikane. Një zyrtar, pas takimit, deklaroi për një gazetar amerikan se “darka shkoi shumë mirë” dhe se kishte pasur rezultate pozitive, përfshirë diskutime mbi hapat e ardhshëm në marrëdhëniet dypalëshe.
Sipas raportimeve, në fokus të takimit ishin dy tema kryesore:
Përshpejtimi i një forme marrëveshjeje sigurie për Katarin, pas sulmeve të fundit izraelite në Doha që kanë vënë në pikëpyetje çdo garanci reale mbrojtjeje. Kjo çështje është bërë urgjente për autoritetet e Katarit, të cilat kërkojnë një ombrellë të qartë sigurie nga SHBA.
Gjendja e negociatave mes Hamasit dhe Izraelit, veçanërisht pas bombardimit të negociatorëve të Hamasit nga Izraeli, një veprim që Shtëpia e Bardhë deklaron se nuk ishte i koordinuar me Uashingtonin dhe që ka habitur administratën amerikane.
Burime brenda administratës thanë se vendimi ishte marrë tërësisht nga Netanyahu, dhe po shtohen dyshimet nëse ai dëshiron vërtet një marrëveshje.
j.l./ dita
