Presidenti i Sevillas, Del Nido Carrasco ka dënuar ashpër ankesën zyrtare të Real Madridit drejtuar autoriteteve spanjolle, duke akuzuar klubin për një sulm “të papranueshëm” ndaj integritetit të gjyqtarëve.
Ankesa e Real Madridit, e cila iu dërgua FA spanjolle (RFEF) dhe Këshillit të Lartë të Sporteve të Spanjës, pretendonte se gjyqtarët, përfshirë gjyqtarët ndihmës video (VAR), janë të njëanshëm kundër tyre dhe se vendimet janë “krejtësisht të diskredituar”.
Carrasco nuk u pajtua me qëndrimin e Real Madridit, duke deklaruar se akuzat e klubit vënë në pikëpyetje nderin e gjyqtarëve.
Ai theksoi se një sjellje e tillë duhet denoncuar, pasi përbën një sulm ndaj vetë futbollit.
Ankesa e Real Madridit erdhi nga humbja e tyre 1-0 në Espanyol të shtunën, gjatë së cilës ata mendonin se mbrojtësi i Espanyol Carlos Romero duhej të ishte ndëshkuar me karton të kuq për një faull kundër Kylian Mbappe.
Megjithatë, Carrasco mendon se polemikat e madrilenëve ka të ngjarë të vazhdojë.
d.t/dita
