Sulm me armë zjarri brenda qendrës tregtare në Bend, Oregon. Tre persona, duke përfshirë edhe autorin e dyshuar, mbetën të vdekur pas këtij sulmi.
‘Nbcnews‘ raporton se policia u njoftua nga qytetarët që ishin pranë vendit ku ndodhën të shtënat.
Hetuesit besojnë se autori filloi të qëllonte në parking përpara se të hynte në një dyqan ushqimor Safeway në qendrën tregtare, tha policia.
Një person u qëllua brenda hyrjes dhe u shpall i vdekur pasi u dërgua në një spital lokal.
“Policia beson se sulmuesi vazhdoi të qëllonte nëpër dyqan, duke qëlluar dhe vrarë një person tjetër”, thuhej në raport.
Policia gjeti të vdekur në dyqan edhe një person të tretë, i cili besohet se është autori.
“Njoftimet fillestare tregojnë se Policia e Bendit nuk ka qëlluar me asnjë të shtënë në vendngjarje”, tha Policia.
Departamenti i policisë u ka kërkuar njerëzve që të shmangin zonën ku ndodhi sulmi me armë.
j.l./ dita
