Një ngjarje e rëndë ka ndodhur sot në Beograd, ku si pasojë e të shtënave në një shkollë dyshohet se kanë humbur jetën 8 nxënës dhe roja i sigurisë.
Një mësuese dhe rreth 10 fëmijë të tjerë janë plagosur.
Mediat vendase shkruajnë se ngjarja ka ndodhur në shkollën fillore “Vladislav Ribnikar” në Vraçar të Beogradit, ku një nxënës i klasës së shtatë ka hapur zjarr ndaj bashkëmoshatarëve të tyre.
Sipas mediave, edhe pse akoma nuk ka një konfirmim nga policia, numri i viktimave është 2 dhe është vënë në pranga autori i kësaj ngjarjeje.
Mësohet se ngjarja ka ndodhur në orën e historisë, ku adoleshenti ka hyrë në klasë dhe ka qëlluar mbi bashkëmoshatarët me armën e babait të tij.
Ndërkohë tre fëmijë janë shtruar në Klinikën Universitare të Fëmijëve, dy janë në gjendje stabile, ndërsa një fëmijë në gjendje kritike.
Sipas informacioneve jozyrtare, më shumë se dhjetë fëmijë të plagosur janë transportuar në Qendrën Emergjente. I plagosuri i parë ishte një roje sigurie, i cili vdiq menjëherë pas të shtënave.
Një nga prindërit i tha N1 se vajza e tij doli me vrap nga klasa gjatë të shtënave dhe se sulmuesi ishte shoku i saj i shkollës.
“Vajza ime ishte pikërisht në atë klasë, ajo ishte në klasë ku djali qëlloi të shtënat e para në drejtim të mësuesit dhe më pas filloi të qëllonte mbi fëmijët që ishin nën tavolina dhe fëmija im vrapoi jashtë”.
View this post on Instagram
j.l./ dita
