Nuk dinë të ndalen fituesit në Telebingo Shqiptare. Mijëra lojtarë të përzgjedhur në shorteun e ditës së djeshme, kanë mundur të sigurojnë miliona të tëra të fituara nëpërmjet shortit të hedhur për çmimin e madh të javës, lojës telefonike me dhuratat dhe çmimet e fshehura në zarfe, “Rrotës së Fatit”, etj. Duke blerë një biletë që kushton vetëm 200 lekë, çdo të dielë ju do të mund të bëheni fitues i çmimit të madh prej dhjetëra milionë lekësh, 3 “Rrogave Telebingo”, “Super Petës”, me të cilën do të mund të fitoni deri në 15 milionë lekë të vjetra, “100 sekonda në Spar”, çmimet e “Rrotës së Fatit”, si dhe shumë dhuaratave dhe çmimeve të tjera.
Fituesit e shpallur dje
Sikundër është bërë tradita tashmë, përzgjedhja e fituesve në shorteun e ditës së djeshme ka nisur me lojën e “Rrotës së Fatit”, ku krahas 10 fituesve të çmimit tradicional prej 20,000 lekësh që do të luajnë sërish në shorteun e radhës, të datës 4 qershor, për të fituar dy çmimet e mëdha 100,000 lekë dhe shumat e tjera të “Rrotës së Fatit”, kanë luajtur edhe 10 lojtarët e përzgjedhur në shorteun e datës 21 maj, të cilët kanë fituar mbi 4.6 milionë lekë të vjetra. Konkretisht, Denisa ka siguruar shumën 32,000 lekë, Konstandini 36,000 lekë, Filloreta 30,000 lekë, Suzana 34,000 lekë, Xhevdeti 106,000 lekë, Aliu 28,000 lekë, Vathi 32,000 lekë, Elsa 32,000 lekë, Florida 30,000 lekë, si dhe Gjovalini 106,000 lekë.
Emocione të shumta kanë sjellë edhe fituesit e lojës telefonike për dhuratat dhe çmimet e fshehura në zarfe. Me dëshirën për të gjetur se në cilin prej zarfeve mund të fshiheshin “Rrogat Telebingo”, “Super Peta”, si dhe çmimet e tjera të preferuara, Dita nga Tirana ka nisur e para të luajë me lojën telefonike. Me mbajtjen e tre zarfeve të pëlqyera, ajo ka siguruar nga Telebingo Shqiptare shumën prej 100,000 lekësh. Në vijim Pirro ka fituar nga loja telefonike 50,000 lekë.
Fati i ka buzëqeshur më së miri edhe fituesit të radhës, Alesandros në Shkodër, i cili ka siguruar nga loja telefonike plot 105,000 lekë.
Doraldo në Shkodër ishte fituesi pasues që ka siguruar në lojën telefonike 75,000 lekë. Sofija ishte një tjetër fituese e dalë nga përzgjedhja rastësore e kontrabiletave që ka siguruar shumën prej 85,000 lekësh.
Më pas loja telefonike ka shpallur Elsën në Kavajë si fituese të radhës. Me përzgjedhjen e bërë, ajo ka siguruar shumën prej 60,000 lekësh. Ndërsa Noemi në Berat ishte fituesja e fundit në lojën me dhuratat dhe çmimet e fshehura në zarfe që ka siguruar shumën prej 65,000 lekësh.
Pas fituesve të lojës telefonike është hedhur edhe shorti i goglave për çmimin e madh të javës, që ka kapur vlerën e 1,005,050 lekëve. Seria e numrave të përzgjedhur ka treguar se çmimi i madh i javës shkon në Pukë, ku dhe rezulton të jetë blerë bileta fituese.
Shorti i goglave ka përzgjedhur edhe mijëra fitues të tjerë nëpërmjet serisë me një linjë dhe dy linja. Konkretisht në shorteun e ditës së djeshme janë shpallur si fitues të serisë me një linjë edhe 11827 lojtarë të tjerë, që sigurojnë nga Telebingo 50 lekë. Fitues të serisë me dy linja janë shpallur edhe 195 lojtarë, ku secili prej tyre siguron shumën prej 1,715 lekësh. Fitues të një bilete janë edhe të gjithë lojtarët që kanë numrin 2, të përcaktuar si numër fati në biletën e tyre.
Lista e fituesve është zgjeruar edhe më tej, ku në Telebingo është paraqitur edhe fituesja e çmimit të madh të javës së shkuar, Mbarime Brahimaj nga Fieri, e cila ka tërhequr çekun me shumën mbi 8.5 milionë lekë të vjetra.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
