Mbrëmjen e së mërkurës, kryeqyteti grek Athina dhe Selaniku janë ndezur në flakë, pasi marshimet për të përkujtuar 15-vjetorin e vrasjes së 15-vjeçarit Alexandros Grigoropoulos përfunduan në përplasje me policinë.
Në Athinë, një grup personash dogjën kazanët e mbeturinave në rrugën Benaki dhe thyen xhamat e dy dyqaneve në Exarchia, ndërsa më herët u vunë flakën edhe kazanëve në lartësinë e Hipokratit. Më pas një grup anarkistësh u shkëputën nga marshimi dhe sulmuan me gurë dhe kokteje molotovi forcat e policisë që ndodheshin pranë demonstruesve.
Forcat e policisë u kundërpërgjigjën duke hedhur granata trullosëse dhe gaz lotsjellës, ndërsa nisën kërkimin për gjetjen dhe arrestimin e tyre në rrugët e ngushta të Agios Dimitrios. Në Athinë që nga mëngjesi janë arrestuar të paktën 47 persona.
p.c. / dita
