Të paktën 14 persona humbën jetën në Afganistan dhe Pakistan nga tërmeti 6.5 ballë i regjistruar pasditen e djeshme. Por numri i të vdekurve nga një tërmet i fortë që goditi Afganistanin verilindor mund të rritet shumë më tepër.
Në Afganistan, të paktën katër persona u vranë dhe 70 të tjerë u plagosën në zonat e prekura në të gjithë vendin, sipas Sharafat Zaman Amar, zëdhënës i Ministrisë së Shëndetit Publik.
Në Pakistan, shtëpitë dhe ndërtesat e tjera u shembën në provincën Khyber Pakhtunkhëa, duke lënë të vdekur dhe dhjetra të plagosur.
Shërbimi Gjeologjik i Shteteve të Bashkuara tha se tërmeti e kishte epiqendrën afër Jurm në Afganistanin verilindor.
Tërmeti, ka zgjatur më shumë se 30 sekonda, aq sa u ndje nga Azia Qendrore deri në Nju Delhi në Indi, më shumë se 2000 km larg.
#Earthquake hits #Afganistan and #Pakistan. pic.twitter.com/AyaM6CMTv9
— Ryan Peterson (@peterson_ryan9) March 22, 2023
j.l./ dita
