Teksa në Shqipëri politika është përfshirë prej ditës së djeshme në një debat të nxehtë me akuza e kundërakuza për lidhje me ish-zyrtarin e FBI, reagon ish-presidenti amerikan Donald Trump, i cili u hetua nga McGonigal për lidhjet e dyshuara me Rusinë në zgjedhjet e vitit 2016.
Në një postim në rrjetin e tij social Trump shkoi:
“Ky djali i FBI-së që m’u vu pas për atë rrengun e Rusisë, Rusisë, Rusisë… që shumë kohë përpara zgjedhjes sime si President, sapo u arrestua për marrjen e parave nga Rusia, Rusia, Rusia. Le të kalbet në ferr!”
NeësWeek shton se McGonigal ishte një nga figurat e para të FBI-së që u vu në dijeni të pretendimeve se George Papadopoulos, një këshilltar i fushatës së Trump-it, mburrej se e dinte se rusët kishin të dhëna që mund të dëmtonin kandidaten demokrate Hillary Clinton.
Por në vitin 2019, hetimi i këshilltarit special Robert Mueller doli në përfundimin se nuk kishte prova që Trump dhe fushata e tij komplotuan ose u koordinuan me Rusinë.
