E përditshmja britanike “The Sun” shkruan mbi të dyshuarin e kërkuar për bastisjen e armatosur prej 300 mijë paundesh në shtëpinë e yllit të futbollit anglez Rahim Sterling (Raheem), se është arratisur në Shqipëri.
Sipas “The Sun”, Henri Osmani, 44 vjeç, ka hyrë në Shqipëri më 18 korrik dhe policia shqiptare në bashkëpunim me atë të Surrey po punojnë për gjetjen e tij.
Lidhur me këtë ka reaguar edhe ministri i Brendshëm Taulant Balla.
“Asnjë shqiptar i përfshirë në krime në Mbretërinë e Bashkuar nuk duhet të mendojë se vendi ynë është një vend i fshehtë”, kështu ka deklaruar për “The Sun” ministri Taulant Balla.
“Shqiptarët Alfred Isufi, 48 vjeç dhe Gerard Kalaja, 22 vjeç, janë në arrati jashtë vendit të tyre. Një person i katërt do të dalë në gjyq vitin e ardhshëm”, thuhet më tej në artikullin e të përditshmes britanike.
