Avokati Idajet Beqiri vijon akuzat ndaj Metës e Berishës për vjedhjen e floririt në Krrabë.
Ai thotë se floriri i vjedhur po shitet ende në argjendaritë në Tiranë, dhe se disponon edhe emrat e bizneseve. Në një intervistë televizive, Beqiri tha se një fakt i tillë është lehtësisht i verifikueshëm.
“Sot po shitet floriri i Krrabës në dyqane, dallohet se floriri ynë dallon”, tha Beqiri.
Ai këmbëngul se ka prova që implikojnë Sali Berishën dhe Ilir Metën në një nga vjedhjet më të mëdha në historinë e vendit.
“Ka shumë dëshmitarë, përgjegjësi i rojës, një ditë para se të vidhej, është urdhëruar nga Berisha që të ikte. Ai ka zbatuar urdhrin, por është fshehur në tunel dhe ka parë veprimet. Kanë ardhur me çantë shpine ushtarake dhe kanë dalë, kanë patur çelsat dhe kodet sepse dyert janë të blinduara”, tha Beqiri.
Një ndër provat që për Beqirin është tregues i pastër është se dyert janë hapur normalisht, pra nga persona që kanë pasur dijeni dhe kodet i kanë patur shumë pak vetë.
“Ishte bërë prova kur u ndërtua, nëse hedh 50 kg tritol, do shembej mali, por nuk do hapeshin dyert. Këta i hapën me çelës. Dihet kush i kishte ato çelsa”, deklaroi avokati Idajet Beqiri.
m.b./dita
