Në një analizë botuar sot në DITA, profesor Fatos Tarifa, thotë të vetën për vizitën e Bill Klinton në Tiranë.
Duke u përqëndruar te statura e djeshme dhe e sotme e zotit Klinton, diplomati dhe sociologu i njohur, flet për sjelljen e dy kryeministrave shqiptarë Rama e Kurti.
“Në fjalën e tij mbrëmë, presidenti Clinton e cilësoi “marrëzi” (nuk u përpoq të zgjidhte ndonjë fjalë tjetër dhe as një gjuhë më diplomatike) atë çfarë, për shkak të qëndrimeve të qeverisë Kurti, po ndodh këto kohë në Kosovë.
Instinktivisht më dalin këto fjalë: Albin! Hapi veshët! Por, mbi të gjitha, hap mendjen tënde të vogël për të mirën e interesave të mëdha të shqiptarëve të Kosovës!
Nëse nuk ke veshë të dëgjosh dhe aftësinë të kuptosh, largohu, mos i tërhiq bashkëqytetarët e tu në një rrugë në të cilën, për shkak të dritshkurtësisë tënde, do të mbeten pa miq dhe pa përkrahje” – shkruan Tarifa për Kurtin në analizën e publikuar nga DITA.
Më pas, profesori shkruan se asnjë kryeministër tjetër nuk e arrin dot Ramën kur bëhet djalë për mikpritjen dhe raportin me të huajt
“Dhe Edi Rama? Dy fjalë për të, këtë herë si kryeministri-artist, apo si artisti-kryeministër që priti presidentin Clinton…
Nga ana tjetër, edhe pse Clinton mund ta kishte vizituar Tiranë më parë, asnjë kryeminisitër tjetër që mund të kish qenë në detyrë në atë kohë nuk do i kishte ofruar atij—dhe asnjë personaliteti tjetër të huaj të shquar—një pritje festive estetikisht dhe përmbajtësisht kaq të bukur sa ajo që organizoi dhe dirigjoi Edi Rama. Thoni ç’të doni për të, por mos ia mohoni meritën…” – shkruan Tarifa.
Shkrimi i plotë mund të lexohet duke klikuar KËTU
n.s. / dita
