“Kapiteni nuk donte ndihmë nga grekët”, tragjedi në jug të Kalamatës, 59 të vdekur

59 të vdekur deri tani është bilanci i tragjedisë së radhës në ujërat e detit Mesdhe.

Sipas rojës bregdetare greke, një peshkarexhë e nisur nga Libia u batua dhe në vazhdim u mbyt në ujërat ndërkombëtare që ndajnë Greqinë me Italinë, 47 milje në jug të gadishullit të Peleponezit në zonën më jugore të tij Pilos.

Pas njoftimit nga italianët, në zonë mbërriti roja bregdetare greke, anije tregtare që kalonin në zonë si dhe helikopterë shpëtimi.

Deri tani janë shpëtuar 104 emigrantë klandestinë ndërsa 59 trupa janë nxjerrë të pajetë nga uji.

Hetimet nga Roja Bregdetare janë në ende në vijim, ndërkohë që sipas informacioneve skafi i peshkimit i përmbysur është 30 metra i gjatë dhe mbante të paktën 400 emigrantë.

Në zonë po mbërrin edhe një fregatë e marinës greke.

Mësohet se fillimisht kapiteni i peshkarexhës kishte refuzuar të kërkonte ndihmë prej rojes bregdetare greke.

j.l./ dita