Tragjedi në Kretë, 7-vjeçari shqiptar mbytet teksa lahej në det, e ëma ndodhej në shtëpi

Mbytja e Nikolas, 7 vjeçarit me origjinë shqiptare të shtunën e 1 qershorit në Kretë ka pikëlluar komunitetin e banorëve atje.

I vogli kishte shkuar në det të lahej me një shok kur duket që është rrëmbyer nga dallgët dhe nuk ia ka dalë.

Trupi i të voglit u pa nga kalimtarë, e megjithë përpjekjet për t’i dhënë ndihmën e parë për ta shpëtuar Nikolas u vogël nuk ia doli.

Nëna e tij kishte vetëm pak muaj që kishte lindur fëmijën e dytë dhe ndodhej në shtëpi duke u kujdesur për foshnjen kur ndodhi tragjedia. Ndërsa i ati kishte qenë në punë kur mësoi lajmin tragjik.

Prindërit e Nikolas ishin njerëz të thjeshtë që punonin gjithë ditën për t’u ofruar më të mirën fëmijëve të tyre.  Në polici është marrë dëshmia e prindërve, ndërsa kryebashkiaku Viannos, Pavlos Baritakis, pranoi se plazhi nuk kishte roje shpëtimi, shkruan media greke Protothema. 

Si ndodhi ngjarja?

Nëna e fëmijës, e cila ndodhej në shtëpi me foshnjën, u arrestua për vrasje nga pakujdesia dhe është liruar me urdhër të prokurorit.

Nikolas, nxënës i klasës së parë, ishte me nënën e tij në shtëpinë e tyre pranë plazhit dhe donte të notonte.

Nëna e tij nuk pranoi, por djali i vogël arriti t’i shpëtoi vëmendjes së saj dhe shkoi në plazh duke notuar së bashku me një shok.

Sipas raportimeve, deti ishte i trazuar dhe djali i vogël është marrë nga një dallgë e fortë.

“Prindërit e kërkonin, ai doli nga shtëpia pa e kuptuar. Ky fëmijë e donte shumë detin, shkonte rregullisht në det. Ai u gjet vetëm dhe kur e zbuluan ishte tepër vonë”, tha Pavlos Baritakis, kryebashkiak i Viannos.

Një banor i zonës ka parë fëmijën në ujë dhe menjëherë ka ngritur alarmin.

“Nuk frynte erë, por deti është shumë i rrezikshëm, sepse ka rryma. Rryma e mori që andej dhe e solli në port, por kishte humbur ndjenjat. Kishte një puls të lehtë, por nuk merrte frymë. Për gjysmë ore disa njerëz që dinin ndihmën e parë po përpiqeshin ta rikthenin në jetë atë. Kur mbërriti ambulanca, edhe mjekët vunë re se fëmija kishte puls. Nuk kishte njeri në plazh që ta shihte fëmijën”, tha një dëshmitar okular.

Nikolas dhe prindërit e tij jetonin në Arvi vitet e fundit. Prindërit e tij punon ditorë dhe kryesisht në serra. Sipas banorëve të zonës, ata janë njerëz të shkëlqyer që kujdesen për familjen e tyre.

Sipas cretalive.gr, dëshira e babait të saj dhe nënës së tij Nikolas është që ta varrosin fëmijën e tyre në Shqipëri. Gjithsesi për shkak të gjendjes së tyre financiare s’përballojnë dot as transportin e trupit dhe as të ceremonisë mortore. Prandaj një shoqatë greke ka marrë përsipër shpenzimet e transportit dhe varrimit të Nikollës në Shqipëri, ndërsa po nis një mbledhje fondesh në bashkëpunim me shoqatën e prindërve dhe kujdestarëve të kopshtit dhe shkollës fillore Arvi, si edhe mësues të shkollës.

Mësuesei i tij me lot në sy u shpreh se nuk mund ta besojë dot që Niloas nuk do të jetë në shkollë të hënën.

“Ai ishte një fëmijë i përsosur, u bë engjëll herët”, tha ai për neakriti.gr dhe KRETË Tv.

j.l./ dita