Një 15-vjeçar humbi jetën mëngjesin e sotëm pasi ra në kontakt me rrymën elektrike teksa po punonte në një lavazh në Dimal.
Në lidhje me ngjarjen, Policia e Dimalit arrestoi pronarin e lavazhit, pasi shkeli rregullat e mbrojtjes në punë.
“Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”.
Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën”, thuhet në njoftim e policisë.
