Një 38 vjeçar nga Kosova është arrestuar për veprat “Kontrabanda me mallra të tjera” e “Kalimi i paligjshëm i kufirit shtetëror”.
Sipas uniformave blu 38 vjeçari u ndalua në Has teksa po drejtonte një kamionçinë. në të cilën kishte dritare duralumi dhe xhama rreth 10 000 euro, të cilat janë kontrabanduar nga Kosova në Shqipëri.
Në gjendje të lirë u proceduan edhe dy shtetas të tjerë nga Kosova, të cilët ndodheshin në automjet. Nga verifikimet e kryera rezultoi se drejtuesi i automjetit dhe 2 pasagjerët kishin kaluar kufirin e gjelbër, në mënyrë të paligjshme. Mallrat u sekuestruan në cilësinë e provës materiale, së bashku me automjetin.
“Si rezultat i këtij operacioni, u vu në pranga shtetasi Y. K., 38 vjeç, banues në Kosovë, për veprat penale “Kontrabanda me mallra të tjera” dhe “Kalimi i paligjshëm i kufirit shtetëror”, si dhe nisi procedimi në gjendje të lirë për shtetasit R. B., 36 vjeç, dhe B. Gj., 35 vjeç, banues në Kosovë, për veprën penale “Kalimi i paligjshëm i kufirit”.
Në fshatin Dobrune, Has, shërbimet e Policisë kanë ndaluar automjetin (kamionçinë) me drejtues shtetasin Y. K. dhe pasagjerë shtetasit R. B. dhe B. Gj. Gjatë kontrollit në këtë automjet janë gjetur mallra (dritare duralumi dhe xhama) me vlerë rreth 10 000 euro, të cilat dyshohet se janë kontrabanduar nga Kosova në Shqipëri. Nga verifikimet e kryera rezultoi se drejtuesi i automjetit dhe 2 pasagjerët kishin kaluar kufirin e gjelbër, në mënyrë të paligjshme. Mallrat u sekuestruan në cilësinë e provës materiale, së bashku me automjetin.
-Gjithasshtu, në kuadër të këtij operacioni u refruan materialet në Prokurori dhe nisi procedimi në gjendje të lirë për shtetasin A. H., 38 vjeç, banues në Kukës, për veprën penale “Kontrabanda me mallra të tjera”, pasi është kapur në flagrancë, në hyrje të qytetit të Kukësit, duke transportuar me automjet, disa bagëti, që dyshohet se janë kontrabanduar nëpërmjet kufirit të gjelbër”, bën me dije policia .
p.k\dita
