Ish-presidenti amerikan Donald Trump ka bërë thirrje që anëtarët e NATO-s të rrisin nivelin e shpenzimeve për mbrojtjen në 5% të Prodhimit të Brendshëm Bruto.
“Ata të gjithë mund ta përballojnë, duhet të jetë pesë për qind dhe jo dy për qind,” tha Trump gjatë një deklarate për mediat nga rezidenca e tij në Mar-a-Lago.
Trump ka qenë prej kohësh kritik ndaj NATO-s, aleancës transatlantike që ka shërbyer si themeli i sigurisë evropiane që nga Lufta e Dytë Botërore. Ai ka përsëritur disa herë kërcënimin për largimin e SHBA-së nga aleanca nëse anëtarët e saj nuk arrijnë të përmbushin angazhimet financiare.
Gjatë fushatës zgjedhore, republikani i kërcënoi vendet anëtare të NATO-s të cilat nuk paguajnë kontributin, se nuk do t’i mbështeste në rast të një sulmi nga Rusia.
Në vitin 2023, NATO caktoi nivelin minimal të shpenzimeve për mbrojtjen në 2% të PBB-së. Lufta e Rusisë në Ukrainë ka intensifikuar përpjekjet për forcimin e krahut lindor të aleancës dhe për rritjen e investimeve në mbrojtje.
Trump nuk është i vetmi që ka bërë thirrje për një rritje të shpenzimeve. Sekretari i Përgjithshëm i NATO-s, Mark Rutte, muajin e kaluar deklaroi se “do të na duhen më shumë se dy për qind”.
Trump sugjeroi se qëndrimi i Presidentit Joe Biden për anëtarësimin e Ukrainës në NATO ka kontribuar në përshkallëzimin e konfliktit me Rusinë. “Diku përgjatë vijës, Biden tha, jo, ata duhet të jenë në gjendje të bashkohen me NATO-n. Epo, Rusia ka dikë në pragun e tyre dhe unë mund ta kuptoj ndjenjën e tyre për këtë,” tha Trump.
Në fakt, vendimi për t’i hapur dyert Ukrainës për anëtarësim në NATO u mor që në vitin 2008, gjatë administratës së presidentit George W. Bush. Megjithatë, Shtetet e Bashkuara dhe Gjermania kohët e fundit kanë kundërshtuar një anëtarësim të shpejtë për të shmangur një konflikt të drejtpërdrejtë me Rusinë.
Trump është zotuar të ndërmjetësojë një marrëveshje të shpejtë paqeje për t’i dhënë fund luftës në Ukrainë, duke ngritur pikëpyetje për të ardhmen e ndihmës ushtarake amerikane për Kievin. Ai deklaroi se konflikti “nuk duhet të kishte filluar kurrë” dhe shtoi: “Ju garantoj, nëse do të isha president, lufta nuk do të kishte ndodhur kurrë”.
j.l./ dita
Trap asht i cmendur!Pa filluar pune kerkon:Te fshije Kanadane.2.Kerorkin te bleje Greinlanden n ga Danezet.3.kerkon te pushtije kanalin e Panamase!?!?Keto idjorsira e tregojne qarte se nuk merret me nongrata e Ballkanit!
______________________________________________
Interesat e Shqiperise jane te lidhura me
zonen Euro Atlantike, Me Ameriken, qe na
siguron mbrojtjen e kombit tone.
______________________________________________
Trumpi deshiron ta forcoje hemisferen e veriut
nga pikpamja ushtarake per te mbrojtur interesat
e civilizimit Euro Atlantik nga kercenimet qe
qe mund te ndodhin ne te ardhmen nga
fuqi te medha qe duan ta fusin Europen ne sferen
e tyre te influences e te shfrytezojne burimet e
naftes, gazit dhe minerale te rralla dhe rruget e kalimit
ne oqeanin e ngrire te Arktikut, qe ka filluar te shkrije.
ATO duan te investojne e te ngulen ne Grinlande,
megjithe se jane shume larg Poli i veriut.
Kerkesat per te rritur shpenzimet e mbrojtjen deri ne
5% te ardhurave kombetare te secilit shtet tregon se
Europa nuk mund te mbrohet ushtarakisht po nuk
investojne per mbrojtjen e saje.
Pas krijimit te Natos, Amerika ka investuar vit pas viti
80% te fondeve per mbrojtjen e Europes, se kontinenti
jone ishte demtuar rende nga L2B. Tani Europa e ka
GDP pothuaj sa te Amerikes dhe AJO duhet te jape
kontributin e saj.
Ndersa ne Amerike studentet studjone ne Kolegje
e Universitete me paret e tyre dhe e paguajne
inshurancen per mjeksine, ne Europe ATO jane
pothuaj se falas.
Kjo tregon se ka ardhur momenti qe Europa ta
paguajne vetem inshurancen per mbrojtjen e
kontinentit nga ATO qe duan ta duan ta shndrojne
ATE ne nje sfere te tyre te influences.
Kanale I Panamase u ndertua nga Amerika dhe pas shume
vitesh, ne kohen e Presidentit Karter ju dhurua Panamase.
Me kalimine kohes Panamaja nuk mund ta mirembante
kanalin dhe ju dha ne perdorim Kines.
Tani qe Kina po mundohet te perhapet ne te gjithe boten,
bile edhe ne Grinlande, kuptohet se ky kanal duhet te jete
nen kontrrollin e Amerikes, per te forcuar sigurin e SAJE.
Ka mendime qe PERENDIA
ndihmon,
ATO qe e perpiqen e bejne maksimumin
te ndihmoje veten dhe familjet e tyre.