Një qytetar ka protestuar ditën e sotme pranë automjetit të ambasadores greke në Tiranë Kostantina Kamitsi, e cila ishte sërish e pranishme në seancën që u mbajt në GJKKO për Fredi Belerin.
I irrituar, qytetari i është drejtuar asaj duke i thënë “T’ju vijë turp, po mbroni një kriminel”.
Në Gjykatën e Posaçme të Apelit u zhvillua ditën e sotme një seancë ku u kërkua nga pala mbrojtëse ndryshim i masës së sigurisë, gjë e cila nuk u miratua nga GJKKO.
- Publicitet -
Të pranishëm në seancë ishin edhe ambasadorja greke në Shqipëri dhe avokatët grekë, të cilët do të mbajnë konferencë në Tiranë për çështjen Beleri.
Fredi Beleri u arrestua në flagrancë dy ditë para zgjedhjeve lokale nën akuzën për korrupsion në zgjedhje.
o.j. / dita
