Moment i gëzueshëm mbrëmjen e sotme ku ekipi i shpëtim-kërkimit kanë nxjerrë nga rrënojat gjallë një 66-vjeçare.
Pas kryerjes me sukses të këtij operacioni, zëvendës kreu i operacionit, Michael Lesmeister, është shprehur se gruaja ishte bllokuar nga një frigorifer dhe ishte shumë e vështirë për nxjerrjen e saj.
“Gruaja ndodhej thellë në rrënoja, të cilat ishin jashtëzakonisht të paqëndrueshme dhe shumë të rrezikshme.
Ajo ishte e bllokuar nga një frigorifer dhe frigoriferi ishte plot me ushqime dhe shishe dhe ishte shumë, shumë e vështirë për të kaluar tek ajo.
Na kushtoi një orë e gjysmë, dy orë vetëm për ta hequr këtë frigorifer.
Nuk mund të përdornim pajisje të rënda sepse rrënojat ishin shumë të paqëndrueshme dhe kishim frikë se e gjithë ndërtesa mund të shembet. Kërkonte vërtet punë manuale dhe ne duhej ta hiqnim pjesë-pjesë”, u shpreh ai.
“Është fantastike, prandaj e bëjmë këtë punë.
Ne filluam bashkëpunimin me organizatën tonë partnere ISAR Turqi dy vjet më parë.
Ky është misioni i parë dhe ne e shpëtuam këtë grua së bashku”, shtoi Lesmeister.
Në videon e shpërndarë nga Reuters shihet stafi turk dhe gjerman duke u përqafuar pas kryerjes me sukses të operacionit të shpëtimit.
m.b./dita
