Mëngjesin e kësaj të mërkure, është hapur plotësisht për qarkullimin e mjeteve pika e kalimit kufitar të Jarinjës në veri të Kosovës.
Lajmi u dha nga zëvendësdrejtori i Policisë së Kosovës për rajonin e veriut, i cili tha se tashmë qytetarët dhe makinat mund të kalojnë pa probleme, në pikën që u bllokua më 24 shtator pas sulmit të një grupi të armatosur serbësh në Banjskë, ku humbi jetën dhe një efektiv policie.
Autoritetet në Kosovë kanë fajësuar Serbinë për sulmin ndaj policisë së Kosovës më 24 shtator në Banjskë të Zveçanit.
Shtetet e Bashkuara dhe Bashkimi Evropian kanë dënuar ashpër sulmin, ndërkaq Kosova përmes një rezolute të miratuar në Kuvend ka kërkuar hetim ndërkombëtar për Serbinë lidhur me këtë çështje.
j.l./ dita
