Forcat izraelite shpëtuan të gjallë katër pengje të rrëmbyer nga Hamasi në sulmin e 7 tetorit në dy zona të Gazës qendrore ditën e sotme.
Katër pengjet, tre meshkuj dhe një femër, të cilët u rrëmbyen nga militantët e Hamasit nga festivali muzikor Nova në jug të Izraelit më 7 tetor të vitit të kaluar, u dërguan në spital për kontrolle mjekësore, tha ushtria dhe ishin në gjendje të mirë shëndetësore.
Ata u identifikuan si Noa Argamani, 25 vjeç, Almog Meir Jan, 21 vjeç, Andrey Kozlov, 27 vjeç dhe Shlomi Ziv, 40 vjeç.
Pas tetë muajsh lufte në Gaza të nxitur nga sulmi i Hamasit, 116 nga rreth 250 pengjet e rrëmbyer nga militantët janë lënë në enklavën palestineze, sipas të dhënave izraelite.
Sakaq, të paktën 40 prej të cilëve janë deklaruar të vdekur në mungesë nga autoritetet.
j.l./ dita
