Kryeministri i Kosovës, Albin Kurti, pritet të paraqitet paraditen e sotme në Prokuroria Speciale në cilësinë e dëshmitarit. Kurti duhet të paraqitet sot në orën 09:30, në Prokurorinë Speciale, megjithatë kryeministri ka treguar se ndodhet në Slloveni, ku po qëndron për vizitë zyrtare dhe ka zhvilluar disa takime. Nuk dihet ende nëse Kurti është kthyer në Kosovë.
Thirrjen e Prokurorisë Speciale për Kurtin e kishte bërë publike ditë më parë zëdhënësi i Qeverisë, Përparim Kryeziu. Ky i fundit, përmes një shkrimi në Facebook, kritikoi sistemin e drejtësisë për ndërhyrje në procesin zgjedhor.
“Në zgjedhjet e kaluara kishte një vendim gjyqësor, i cili ia kishte pamundësuar [Kurtit] kandidimin në garën zgjedhore të 14 shkurtit, 2021, kurse tash, përmes kësaj ftese, po tentohet ndikimi në rezultatin e zgjedhjeve të vitit 2025”, shkroi ai pa dhënë më shumë detaje.
Dokumenti zyrtar thekson se mungesa e pajustifikuar për këtë thirrje mund të sjellë pasoja ligjore, përfshirë gjoba deri në 250 euro ose masën e shoqërimit me forcë nga autoritetet përkatëse. Kërkesa për paraqitje është nënshkruar nga prokurorët specialë, Valdet Gashi dhe Milot Krasniqi.
Sipas prokurorëve, Kurti është thirrur të dëshmojë në një rast për një vepër penale nga neni 414 i Kodit Penal, i cili ka të bëjë me keqpërdorim të pozitës apo autoritetit zyrtar.
j.l./ dita
Banda e Lajcakerve nuk ja doli dot te thyeje barrikaden KURTI,per t`ja rrembyer Mitrovicen Kosoves.Kane futur ne loje prokurorie speciale, TE NDALOJNE KANDIDIMIN NE ZGJEDHJE TE ALBIN KURTIT.
Associacione s`ka.
Nuk eshte banda e Lajcakeve por banda e Hashimit ne Drejtesi si Arben Krajat dhe Fatmir Xhafat e Enverit qe nuk i ze vendi qe Albin Kurti nderpreu pagesat milioneshe ne euro per avokatin kroat qe kishte mbrijtur me pare edhe Millosheviqin KASAPIN antishqyptar te Serbise
Nuk shkon te deshmoje se ka frike si nongrata ne ShqiperiI ndershmi perballet me akuzar,asht nje shoreje e vjeter ne shqip.