Presidentët e Ukrainës dhe Shteteve të Bashkuara kanë shfaqur gatishmëri të arrijnë një marrëveshje, ndërsa udhëheqësit botërorë mblidhen këtë javë në Konferencën e përvitshme të Sigurisë në Mynih. Siç njofton korrespondenti i Zërit të Amerikës Arash Arabasadi takimi i Mynihut mbahet për të diskutuar, ndër të tjera, të ardhmen e sigurisë së Kievit.
Presidenti ukrainas Volodymyr Zelenskyy u tregoi së fundmi gazetarëve një hartë, që më parë ishte sekrete, e cila tregon vendndodhjen e mineraleve të rralla të vendit të tij.
“Këto depozita janë tejet të vlefshme… vlejnë shumë. Kjo është arsyeja pse ne duhet t’i mbrojmë. Kjo është ajo që duan amerikanët. Nëse duan të bëjmë marrëveshje, atëherë ta bëjmë marrëveshjen”, thotë presidenti ukrainas Volodomyr Zelensky.
Presidenti amerikan Donald Trump thotë se është i hapur për negociata.
“Ne duam të bëjmë një marrëveshje me Ukrainën. Ata do të sigurojnë atë që po u japim në këmbim të mineraleve të rralla dhe objekteve të tjera”, thotë Presidenti Trump.
Këshilltari për Sigurinë Kombëtare i Presidentit, Mike Waltz gjatë fundjavës i bëri jehonë kërkesës së presidentit për të vazhduar ndihmën amerikane për Ukrainën në këmbim të burimeve natyrore të vendit.
Mineralet e rralla janë të rëndësishme për prodhimin e motorëve elektrikë dhe pajisjeve për komunikim.
Presidenti Zelensky thotë se rreth 20 për qind e burimeve të Ukrainës janë në pjesë të vendit që janë pushtuar nga forcat ruse.
Ai e quan rajonin Dnipro të Ukrainës “shumë të pasur” dhe paralajmëron se nëse Rusia i kontrollon ato depozita minerale, Moska mund t’i dërgojë tek kundërshtarët e Shteteve të Bashkuara si Irani apo Koreja e Veriut.
Së fundmi forcat ukrainase kryen sulme me dronë kundër forcave ruse përgjatë lumit Dnipro.
Presidenti Zelensky thotë se Rusia e di vendndodhjen e burimeve natyrore nga hulumtimet gjeologjike të epokës sovjetike.
Presidenti ukrainas thotë se ka diskutuar me Presidentin Trump gjithashtu mbi idenë e magazinimit të gazit natyror të lëngshëm të Shteteve të Bashkuara në depot e nëndheshme të Ukrainës.
Kievi u përball sërish me sulme ajrore, pasi forcat ajrore të Ukrainës thonë se rrëzuan gati gjysmën e 139 dronëve lëshuar nga Rusia. Nga zyrtarët lokalë nuk njoftohet për dëme apo viktima.
Ndërkohë, ligjvënësit gjermanë miratuan vitin e kaluar një fond të posaçëm prej rreth 107 miliardë dollarësh për të forcuar ushtrinë e vendit në përgjigje të luftës së Rusisë kundër Ukrainës.
Ushtria gjermane aktualisht ka rreth 179 mijë trupa dhe sipas njoftimeve të mediave, Berlini synon të arrijë në 203 mijë trupa deri në vitin 2031.
“Situata në Evropë ka ndryshuar për shkak të luftës në Ukrainë. Pra, tani, ku zona të tëra po ndryshojnë, ne duhet të përgatitemi për një luftë ndoshta në të ardhmen dhe duhet të mbushim rezervat tona”.
Udhëheqësit botërorë do të takohen këtë javë në Konferencën e Sigurisë së Mynihut në Gjermani për të diskutuar, mes temave të tjera, mbështetjen për Ukrainën. Bisedimet zhvillohen nga 14 deri më 16 shkurt./VOA
_____________________________________________________
Disa variante te mundeshme, qe duhet te shqyrtohen,
sepse per shkak te ngjarjeve te rastit, eshte e veshtire
te parashikosh ashtu sic desherojme.
Nje ngjarje qe besojme se ka 1% mundesi te ndodhe
mund per shkak te informacineve qe nuk i zoterojme
dhe faktorit te ngjarjeve te rastit, mund ti ndryshoje
probaliteti ne 99%
________________________________________________________
Do ishte me mire qe Konferenca e Sigurise te mbahej ne nje vend tjeter, sepse
Aritja e nje zgjidhje diplomatike per te siguruar nje paqe te qendrushme, nuk
duhet te interpretohet nga ATO qe duan vazhdimin e luftes si mareveshjet e
MUNIH pare 90 vitesh.
Eshte ne interesin e popullit te Greenlandes qe te kene aleat kryesore Ameriken,
te jene nen mbrojtjen e Ombrelles Amerikane. Ne se Europa e sheh te ardheshmen
e SAJE ne koordinim e mirekuptim te plote me Ameriken, AJO duhet ta pranojne
kete zgjidhje.
Por ne se Europa ka qellim per tu shtrire ne Lindje per te patur “hapsiren jetike”
qe desheron, AJO mund te meret vesh me Kinen qe gjithashtu kerkon ta mare
Mancurine si ish pjese te Perandorise Kineze dhe te shkoje me tej, ne Siberi.
Po te realizohen deshirat e tyre dhe Rusia te mos jete ne gjendje te beje lufte ne dy
fronte, ne perendimit dhe ne lindje, AJO do jete e interesuar shume per nje mareveshje
serioze me Ameriken dhe do jete dakord qe te kooperojne me Ameriken per cfrytezimin
e mineralave te rralla kudo qe te ndodhen ATO.
Ne rast se Kina, Rusia dhe Europa gjejne mirekuptimin, qe te treja se bashku,
te krijojne nje “Aleancen te Shenjte Trepaleshe” apo me tre pole” ne shekullin 21,
atehere ATO do mundohen ta bllokojne Ameriken, polin e katert.
Ka mundesi te madhe qe mjaft shtete Europjane,
Afrikane, Arabe te ndjehen me te sigurte me Ameriken
se sa te jene nen tytelen Aleances tre paleshe Euro-Aziatike.
.