Forcat ukrainase shënjestruan Urën e Krimesë dhe një numër objektivash të tjerë të paspecifikuar në gadishullin e Krimesë të shtunën në një mori sulmesh me raketa dhe dron, por nuk pati viktima apo dëme, tha Ministria e Mbrojtjes e Rusisë, raporton Reuters.
Ministria e Jashtme e Rusisë u zotua të hakmerret për atë që e quajti një “sulm terrorist” në urën në Krime, të cilën Moska e aneksoi me forcë nga Ukraina në vitin 2014.
Ndërkohë, forcat e armatosura ukrainase kanë bërë progres në kundërsulmin e tyre në rajonin perëndimor të Zaporizhzhias.
Forcat ukrainase hodhën tre raketa në urën që lidh Krimenë e pushtuar me Rusinë, duke i detyruar autoritetet ruse të mbulojnë strukturën me tym të bardhë për të penguar sulmet e mëtejshme.
Ministria e Jashtme ruse i dënoi sulmet e Ukrainës në urën e Krimesë si “sulme terroriste” në “infrastrukturën civile”.
Gjithashtu, një civil u vra dhe gjashtë persona u plagosën, duke përfshirë një vajzë 12-vjeçare, pas bombardimeve intensive të Ukrainës në Donetsk.
j.l./ dita
