Shqipëria ia doli me sukses të kualifikohej në finalen e madhe të “Eurovision 2023”, teksa u përfaqësuam nga Albina Kelmendi dhe familja e saj me këngën “Duje”.
Albina dhe familja Kelmendi arriti që të sigurojë votat e jurisë dhe publikut, për të qenë në 10 shtetet finaliste. Por kënga dhe interpretimi nuk kanë arritur të fitojnë simpatinë e të gjithëve.
“The Times” e ka vlerësuar interpretimin si një version ballkanik i “Phantom of the Opera” të Andrew Lloyd Webber, duke shpjeguar se krahasimi nuk është përdorur në kuptimin pozitiv.
“Vajtim mistik, kambana kishe, mendoni një interpretim ballkanik të “Phantom of the Opera” të Andrew Lloyd Webber. Por jo në një mënyrë të mirë”, shkruan “The Times”, që e ka vlerësuar këngën dhe performancën me 2 yje nga 5 të mundshmet.
Finalja e madhe e “Eurovision 2023” do të mbahet të shtunën më 13 maj, në “M&S Bank Arena” të Liverpoolit.
j.l./ dita
