Zv.ministri i Energjisë, Ilir Bejtja ka deklaruar gjatë një interviste televizive se shkak për humbjen e jetës së drejtoreshës së një shkolle në një fshat të Durrësit nga korenti në dush, ka ardhur si pasojë e rrjetit të brendshëm të shtëpisë, jo të jashtëm.
“Mund të mos jetë tokëzuar mirë dhe dushi të ketë bërë masë. Rrjeti mbaron në shtëpi nga sahati, asgjë nuk vjen nga rrjeti, pas rrjetit ke automatik, është siguresa brenda shtëpisë. Nuk ka lidhje me rrjetin nga jashtë”, tha zv.ministri.
Drejtoresha e shkollës 9-vjeçare Ornela Gjeçi ka ndërruar jetë pas ka rënë në kontakt me energjinë elektrike tek po bënte dush.
Gjeçi, 45 vjeç është dërguar në spitalin e Durrësit rreth orës 08:20 nga bashkëshorti i saj. Fatkeqësisht mjekët kanë konstatuar se 45-vjeçarja ka mbërritur në spital pa shenja jete.
m.b./dita
