Gjyqësori i Argjentinës konfirmoi të martën gjykimin e tetë punonjësve të shëndetësisë, të cilët ishin dërguar para drejtësisë vitin e kaluar për neglizhencë të mundshme, që çoi në vdekjen e Diego Maradona në vitin 2020, mësohet nga një burim gjyqësor.
Një Dhomë Apeli e gjykatës së San Isidro (në veriperëndim të Buenos Aires) dëgjoi në mars argumentet e këtyre profesionistëve, të cilët apeluan në vitin 2022, të akuzuar për vrasje me rrethana të mundshme rënduese. Ata kundërshtuan akuzat, duke pretenduar për disa një riklasifikim në vrasje të pavullnetshme.
Dhoma e Apelit ruajti kualifikimin fillestar të “vrasjes me dolus eventualis”, pra vepër e rëndë kur një person kryen pakujdesi, duke ditur se mund të shkaktojë vdekjen. Ata mund të dënohen me 8 deri në 25 vjet burg.
Maradona, ikonë në Argjentinë dhe legjendë e futbollit botëror vdiq nga një krizë kardio-respiratore më 25 nëntor 2020 në moshën 60-vjeçare, i vetëm, në një shtrat mjekësor në një rezidencë në Tigre, në veri të Buenos Aires, ku po kurohej nga neurokirurgjia për një hematomë në kokë.
Në qershor 2022, një gjyqtar nga San Isidro, pas kërkesave të prokurorisë, kishte dërguar në gjyq tetë praktikues, duke përfshirë një neurokirurg dhe një mjek klinik, një psikiatër, një psikolog, një kryeinfermiere, infermiere, të cilët aktualisht janë të lirë.
Sipas prokurorëve, stafi në krye të Maradonës kishte qenë “protagonist i një shtrimi në shtëpi (…) krejtësisht i mangët dhe i pamatur”, i shënuar nga një “seri improvizimesh, keqmenaxhimi dhe mangësish”.
Në rezolutën e saj të martën, Dhoma e Apelit vuri në pikëpyetje “sjelljen e gjoja të adoptuar nga secili prej të pandehurve, duke mos respektuar mandatin për të vepruar që u diktohej atyre praktika e mirë mjekësore”.
Prandaj para gjykatës do të paraqiten neurokirurgu Leopoldo Luque, psikiatri Agustina Cosachov, psikologu Carlos Diaz, koordinatorja mjekësore Nancy Forlini, koordinatori i infermierisë Mariano Perroni, infermierët Ricardo Almiron dhe Dahiana Madrid, mjeku klinik Pedro Di Spagna. Asnjë datë nuk është dhënë nga Dhoma e Apelit për një gjykim, i cili nuk pritet të mbahet para vitit 2024.
j.l./ dita
