Vëllai i Fatmir Sulovarit, Gëzim Sulovari foli pas ballafaqimit të tij dhe të afërmve të Leonard Thodhorit me Muhamet Rrubullakun. Vëllai u shpreh se do të ndërpriten protestat, pasi besojnë se hetimet janë në rrugën e duhur. Pas komunikimit me kryepolicin, Muhamet Rrumbullaku, familjarët thonë se kanë shpresë që të paktën të kërkojnë për trupat e tyre. “Nuk na dhanë shpjegime, na thanë jemi në hetime (pas takimit me kreun e policisë, Muhamet Rrumbullaku). Tani të shpresojmë, ua kemi lënë në dorë policisë. Unë jam vëllai i madh i Fatmirit. Do e ndërpresim protestën pasi ja lamë në dorë Policisë së Tiranës. Ai është zhdukur që nga data 6, s’kemi pasur probleme. S’kemi dyshime sepse s’kemi konflikte me askënd. Leonardin e ka pasur të njohur, nuk kanë qenë shokë. Unë personalisht Leonardin nuk e kam njohur. S’e di s’flas dot, se nuk di gjë për të. Dëgjuam fjalët e njerëzve se mund të jenë hedhur nëpër fshatrat ku përqëndruam kërkimet. U nisëm me llafe Sarande”, tha i vëllai i Fatmir Sulovarit.
Vëllai i të zhdukurit Fatmir Sulovari: Rrumbullaku na tha se hetimet po ecin mirë. Nuk kishte konflikte!
