Forcat e policisë italiane të pranishme në ambientet e kampeve të emigrantëve në Shëngjin dhe Gjadër të Lezhës mësohet se janë përfshirë në një proces ndryshimi. Sipas “La Repubblica”, nga 220 njësitë aktuale, numri do të shkojë në 170 persona për të garantuar menaxhimin e turneve dhe mbuluar shërbimet e nevojshme.
Ky mund të konsiderohet si një reduktim i ndjeshëm i kontigjentit të pranishëm në Shqipëri, i cili kur ishte plotësisht operacional dhe supozohej të ishte 295 njësi (personel), por në vend të kësaj nuk i kaloi kurrë 220 persona, duke përfshirë policë, karabinierë, financierë dhe policë të burgjeve. Duket se Roma zyrtare po has vështirësi për marrëveshjen për emigrantët, në lidhje me dërgimin e tyre në qendrën e pritjes dhe më tej të izolimit në Shëngjin dhe Gjadër.
Të dy grupet që u dërguan në muajt tetor dhe nëntor u rikthyen pas vendimeve të Gjykatës italiane dhe problemeve me paditë e hapura deri në gjykatat europiane. Kryeministrja italiane Giorgia Meloni gjithsesi shprehet e vendosur t’i shkojë deri në fund paktit qeveritar me kryeministrin Edi Rama.
Po ashtu mediat italiane shkruajnë se për qeverinë Meloni mënyra sesi po shkojnë procedurat dhe përplasja me drejtësinë për listën e vendeve të sigurta, është ‘më mirë’ që të përmbyllet me një përplasje midis Romës dhe Brukselit. Reagimi i parë i qeverisë Meloni pas rastit të fundit të emigrantëve që u dërguan në Shqipëri dhe që “u detyruan” nga një vendim gjykate të kthehen në Itali, ishte i menjëhershëm teksa u shprhën të bindur se gjykatësit janë gabim.
j.l./ dita
Njëlloj si Agushi ke filmi “Njeriu me top” do përfundojnë pas disa muajsh karrrabinierët e fashistes meloni. Nuk e kanë provuar akoma acarrin i dimrit në atë zonë. Ashtu të dërmuar shpirtërisht, të lodhur, të raskapitur, mezi do presin sa të kthehen prap ke shpaja. Para një jave takova rastësisht në Durrës nja dy italianë me uniformë ushtarake. Thesin prapa kurrizit, i hiqnin kambalet zvarrë. Buzët me qumësht, nuk dinin se si shkohej në Rinas. Dukeshin si të lënë në mëshirë të fatit. Pyesnin gjithkënd që i dilte përpara, nuk donin të merrnin me taksi.
Shume keq qe I largojne sepse u prishen planet per parate qe do te grumbullonin .
Mire thone :,ti ben plane ,zoti qesh.