Kjo verë ishte më e nxehta e regjistruar në Evropë, sipas të dhënave nga monitorimi satelitor i BE-së. Një seri valësh ekstreme të të nxehtit dhe një thatësirë e gjatë e cila nisi që në muajin Qershor dhe u intensifikua në Korrik dhe Gusht, thyen rekordet e temperaturave ndër vite.
Shërbimi i Ndryshimeve Klimatike Copernicus tha se të dhënat treguan se Gushti në Evropë ishte më i ngrohti në histori. Në nivel global, studiuesit thonë se ky muaj ishte i treti më i ngrohtë i regjistruar deri më tani.
Vera ishte 0.4C më e ngrohtë se rekordi i mëparshëm, i vendosur vitin e kaluar. Gushti ishte 0.8 C më i ngrohtë në krahasim me vitin 2019. Zjarret ishin të zakonshme në shumë vende, përfshirë këtu në Portugali.
Në Mbretërinë e Bashkuar, temperaturat arritën një nivel të ri prej 40,3 gradë Celsius më 19 korrik, duke thyer kështu rekordin prej 38,7 gradë Celsius të vendosur në 2019-ën. Këto ekstreme u panë edhe në shumë vende të tjera me 64 zona të ndryshme të Francës që përjetuan rekord, ndërsa temperaturat në Portugali arritën në 47C në korrik. Evropa përjetoi gjithashtu kushtet më të këqija të thatësirës në 500 vjet. Shkencëtarët e klimës thonë nxehtësia ekstreme pritet të zgjasë në kohë për shkak të rritjes së gazeve serë, ku shkaktari kryesor mbetet njeriu.
o.j/dita
