Kryeministri Edi Rama ka reaguar sërish lidhur me pagat e magjistratëve, duke kundërshtuar rritjen e kërkuar të pagave të gjyqtarëve dhe prokurorëve. Me anë të një reagimi në platformën “X”, Kryeministri ka krahasuar pagat e magjistratëve shqiptarë me ato të kolegëve në Greqi dhe Mal të Zi. Rama thotë ndër të tjera se një gjykatës fillestar në Shqipëri aktualisht paguhet më shumë se një koleg në Greqi e në Mal të Zi.
Lideri i qeverisë ka publikuar edhe një tabelë, ku gjyqtarët shqiptarë janë të dytët më të paguarit pas atyre rumunë, rreth 3241 euro në muaj. Më pas vjen Sllovenia me 2842 euro dhe në vend të katërt Greqia me 2702 euro. Ndërsa, Mali i Zi renditet në vendin e tetë, me pagë 1958 euro.
Postimi i Ramës:
Një gjykatës fillestar sot në Shqipëri merr 500 Euro pagë më të lartë se sa kolegu në Greqi dhe me vendimin e marrë vetë Zot vetë Shkop, paga duhet të rritet 2000 Euro më shumë në muaj se sa kolegu grek dhe 3000 Euro më shumë se sa kolegu në Malin e Zi…
Ngërçi me pagat në gjyqësor
Kriza e pagave në sistemin e drejtësisë u përshkallëzua pasi Kuvendi nuk miratoi deri më 31 korrik formulën e re të pagave, në përputhje me kërkesën e Gjykatës Kushtetuese. Pas skadimit të afatit, Këshilli i Lartë Gjyqësor (KLGJ) dhe Këshilli i Lartë i Prokurorisë (KLP) vendosën që, nga 1 gushti, paga referuese të llogaritej mbi bazën e 222 mijë e 425 lekëve, duke i shtuar edhe 14 mijë lekë për kualifikimin. Megjithatë, Ministria e Financave nuk i ekzekutoi listëpagesat sipas kësaj formule, me argumentin se përcaktimi i pagave të magjistratëve dhe administratës së drejtësisë është kompetencë e Kuvendit.
Problemet nuk zgjidhen permes percarjes dhe konflikteve midis grupeve shoqerore,gjyqtaret nuk jane vetem profesioniste,por edhe qytetare te vendit.Duhet t’u shpjegohet me respekt ne punen e tyre,nese financat e vendit nuk e lejojne nje rritje te tille dhe te marrin ate qe parashikon ligji sot ne baze te mundesise te ekonomise.Ndoshta edhe legjislacioni per rritjen e pagave ne shtet duhet te pershtatet me realitetin ekonomik ne vend.
Kur nje gjyqtar, apo trup gjykues vendos mbi pagen e gjyqtareve, kemi te bejme me konflikt te paster interesi.
Ne vendet e BE kur ndodh nje rast i tille, gjyqtarit, apo trupes, i hiqet e drejta jo vetem si gjyqtar por edhe si nepunes publik, duke pasur edhe denime shtese me pasoja administrative apo penale.
Ketu, nuk ju ben pershtypje konflikti i interesit, sepse ai nuk eshte i pranishem si ne rastin e permendur, pra vetem ne pushtetin gjyqesor, por edhe ne 2 pushtetet e tjere.