Presidenti amerikan Joe Biden mbërriti sot në Kiev, vizita e parë që kur Rusia e pushtoi vendin një vit më parë.
Kjo vizitë erdhi papritmas dhe padyshim që ishte planifikuar në fshehtësi të rreptë. Gjithçka doli në dritë kur u shfaqën videot e para në rrjetet sociale.
Ditën e sotme u spekulua se në kryeqytetin ukrainas po mbërrinte një mysafir i rëndësishëm, për të cilin politikania ukrainase Lesia Vasilenko konfirmoi se ishte Biden.
Kjo është vizita e dytë e presidentit amerikan në Ukrainë që kur vendi fitoi pavarësinë pas rënies së Bashkimit Sovjetik.
E para ishte vizita e George Bush në gusht 1991, në prag të rënies së BRSS, kur ai mbështeti pavarësinë e vendit.
There cannot be a stronger commitment than this. US President Biden walking alongside President Zelenskyy inside the city of Kyiv.#Ukraine #USA #Kyiv pic.twitter.com/yYS9NUq0y4
— (((Tendar))) (@Tendar) February 20, 2023
More footage of Biden in #Kyiv, walking with President Zelenskyy pic.twitter.com/4vHMg6mi8q
— Michael A. Horowitz (@michaelh992) February 20, 2023
Biden tha se Uashingtoni do t’i sigurojë Kievit një paketë të re ndihme ushtarake me vlerë 500 milion dollarë që do të shpallet nesër.
Në fjalimin e tij përkrah Presidentit Volodymyr Zelensky, Presidenti Joe Biden përgëzoi guximin e Ukrainës gjatë luftës, ndërsa vuri në dukje se ai kishte vizituar Kievin gjashtë herë kur më parë kishte shërbyer si zëvendëspresident. Po ashtu Biden gjatë fjalës së tij ka premtuar një ndihmë për Ukrainën prej 500 milionë dollarësh.
“E dija se do të kthehesha. Putini mendonte se Ukraina ishte e dobët dhe Perëndimi ishte i ndarë, ai po llogariste që ne të mos rrinim së bashku. Ai llogariste në paaftësinë për të mbajtur NATO-n të bashkuar. Ai llogariste tek ne që të mos ishim në gjendje t’i sillnim të tjerët në anën e Ukrainë. Ai mendoi se mund të na mbijetojë. Unë nuk mendoj se ai po e mendon këtë tani. Ai thjesht ka gabuar,” tha ai.
Sirenat e sulmit ajror vajtuan ndërsa Zelensky dhe Biden ishin brenda Katedrales së Kupolës së Artë të St Michael në qendër të Kievit.
j.l./ dita
