Ka nisur prej ditësh tashmë, puna për restaurimin dhe rijetësimin e banesës së familjes Mbrica.
Banesa Mbrica gjendet në lagjen Kala të qytetit të Beratit dhe ka përfituar nga programi i Ministrisë së Kulturës, “Bonusi i Rijetësimit”.
Ministrja e Kulturës, Elva Margariti ka publikuar pamjet nga restaurimi dhe ka treguar se si aty synohet të rikthehet zanati i argjendarisë, i trashëguar prej brezash.
“Një traditë e bukur, ajo e artizanatit që trashëgohet në breza! Milton Mbrica nga Berati, falë Bonusit të Rijetësimit po rikthen zanatin e të parëve në shtëpinë që po i nënshtrohet restaurimit”, ka shkruar ajo në Facebook.
Ndërhyrjet që do të realizojnë specialistët e DRTK Berat, përfshijnë rindërtimin në gjurmën e konfiguracionin origjinal të një shkalle guri të jashtme me qemer, e cila është rrëzuar. Do të bëhet gjithashtu pastrimi nga bimësia e inertet, nivelim e sistemim si dhe ngritjen e një pjergullate druri dhe sistemimin e verandës për të shërbyer mëngjes.
Berati si qytet i mbrojtur nga UNESCO, është një nga përfituesit më të mëdhenj nga “Bonusi i Rijetësimit”, në kuadër të të cilit, në të gjithë vendin kanë nisur restaurime dhe rijetësime banesash me vlerë për trashëgiminë kulturore.
Trashëgimtari i familjes Mbrica flet në këtë video mbi mënyrën si përfitoi nga Bonusi i Rijetësimit:
j.l./ dita
Be bast se do te behet lokal kati i pare. Si shumica e shtepive muze me kafene poshte.