Bota i jep sot lamtumirën e fundit Papa Françeskut, i cili u nda nga jeta në Romë, më 21 Prill, në moshën 88-vjeçare.
Riti për varrimin e Atit të Shenjtë ka filluar ndërsa kanë rënë këmbanat në sheshin e Shën Pjetrit.
Në Bazilikën e Shën Pjetrit ka nisur procesioni i kardinalëve që i paraprin mbërritjes së arkivolit të Papa Françeskut në shesh.
Kapaciteti maksimal prej 50.000 njerëz, që do të ndjekin funeralin solemn të Papa Françeskut, në Sheshin e Shën Pjetrit është arritur.
100 mijë njerëz raportohet se ndodhen në Via della Conciliazione. Dekani i Kolegjit të Kardinalëve, Kardinali Giovanni Battista Re, kryeson ceremoninë.
Në anën e djathtë të oborrit të kishës, ku ndodhet statuja e Shën Pjetrit ndodhen kardinalët, peshkopët dhe priftërinjtë. Të paktën 160 delegacione të krerëve të shteteve dhe qeverive nga e gjithë bota kanë mbërritur në Vatikan.
