Akuza për keqtrajtim dhe tortura të rënda në burgjet greke ndaj të burgosurve shqiptarë. Një prej tyre vjen nga motra e një të burgosuri shqiptar i cili është dhunuar barbarisht nga 4 efektivë policie. Ngjarja ka ndodhur në momentin kur 33-vjeçari shqiptar, i dënuar për drogë, po transferohej nga burgu i Selanikut në Athinë.
“Mega” ka publikuar foto që dëshmojnë dhunën barbare ndaj tij, ndërsa mes lotësh ka folur motra e tij. Ajo tha se vëllain e kanë dhunuar brenda në makinë teksa transferohej, por dhe në momentin që e kanë zbritur, para syve të prindërve të tij.
“O ma më shpëto se po më vrasin”, këto ishin fjalët e tij thotë e motra. Po ashtu sipas mediave greke, thuhet se babi i shqiptarit ka deklaruar se një efektiv policie i ka thënë se “djalin do ta marrësh në arkivol”.
m.b./dita
