Policia e Korçës ka vënë në pranga një 30-vjeçar, që dyshohet si autor i djegies së një automjeti në rrugën “Boris Plumbi”.
Pas hetimeve të kryera, blutë kanë konstatuar se automjeti tip “Benz” është djegur me qëllim nga i arrestuari.
30-vjeçari, në momentin kur forcat e Policisë ndërhynë në banesë me qëllim kapjen e tij, ka bërë rezistencë ndaj tyre, ndaj blutë e rrethuan pallatin ku ndodhej apartamenti i tij dhe dy efektivë kanë hyrë nga dritarja duke përdorur një vinç.
Ai rezulton me precedent të mëparshëm penal në fushën e narkotikëve, krimeve kundër personit dhe të armëmbajtjes pa leje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
