“Zërat” për sabotim në gazsjellësin rus të gazit natyror “Nord Stream” po shtohen pasi brenda 24 orëve, tre linja nën det të sistemit në Baltik pësuan dëme të konsiderueshme.
Në të njëjtën kohë, sizmologët në Danimarkë dhe Suedi regjistruan të hënën shpërthime të forta në zonat ku u vërejtën rrjedhje në tubacionin Nord Stream, siç raportohet nga Qendra Kombëtare Sizmologjike Suedeze (SNSN) e Universitetit Uppsala .
“Nuk ka dyshim se këto ishin shpërthime,” tha sizmologu Bjorn Lund për transmetuesin publik SVT.
Kompania administruese e gazsjellësit rus, Kremlini, qeveria gjermane, Polonia dhe Danimarka nuk e përjashtojnë mundësinë e sabotimit.
The Danish military published footage from the site of the leak on Nord Stream. pic.twitter.com/OgoXeWPDSF
— NEXTA (@nexta_tv) September 27, 2022
Në një deklaratë sot, zëdhënësi i Kremlinit Dmitry Peskov tha se mundësia e sabotimit nuk mund të përjashtohet, ndërsa fotot dhe videot e shpërndara në rrjet nga vendi ku ka ndodhur rrjedhja tregojnë seriozitetin e situatës.
Siç njoftoi kompania menaxhuese “Nord Stream AG” , brenda një dite, tre linja nënujore të gazsjellësit “Nord Stream” në Baltik pësuan dëme “të paprecedentë”, ndërsa analistët politikë i referohen ndërhyrjes së një “dore të huaj.”
Se video og fotos af gaslækagerne på Nord Stream 1 og 2-gasledningerne i Østersøen på https://t.co/pj96CN7CDB: https://t.co/7bgt8TljaH #dkforsvar pic.twitter.com/I1zEPaBLYO
— Forsvaret (@forsvaretdk) September 27, 2022
Gazsjellësi “Nord Stream 1”, i cili përbëhet nga dy linja paralele me kapacitet për të transportuar 27.5 miliardë metra kub në vit secila, filloi furnizimin me gaz direkt nga Rusia në Gjermani në vitin 2011.
Rrjedhat përmes tubacionit, i cili funksiononte që prej korrikut me vetëm 20% të kapacitetit të saj, u ndalën në fund të gushtit dhe nuk rifilluan pas punimeve të mirëmbajtjes. Nga ana e saj, Rusia pretendon se pajisjet e gabuara në një stacion të madh kompresori dhe sanksionet perëndimore për shkak të pushtimit të Ukrainës janë përgjegjëse për dështimin e tubacionit.
