Sali Berisha ka thirrur një konferencë të jashtëzakonshme për mediat pas arrestimit të dhëndrit të tij Jamarbër Malltezi, me urdhër të SPAK, dhe pas vendosjes së masës së sigurisë “detyrim paraqitjeje ndaj tij” për çështjen e ish-kompleksit Partizani.
Kreu i Rithemelimit, nga selia blu deklaroi se akuzat ndaj tij dhe dhëndrit të tij janë të pa baza ndërsa akuzoi kryeministrin Edi Rama “për sulme të mirëfillta politike.”
Situata duket e mbushur me emocione në radhët e stafit të Doktorit. Një moment pikant ishte, kur këshilltarja e tij për mediat, Floriana Garo i afron një bllok ku shkruhej se… ishin fikur dritat në disa qytete.
Jashtë është erë dhe shi, por Berisha këtë e lidhi me konferencën e tij, duke dhënë “lajmin bombë” se… dritat ishin fikur që shqiptarët të mos ndiqnin konferencën e tij.
p.c. / dita
