Një ngjarje e rëndë ka ndodhur në një nga zonat e Birminghamit në Britaninë e Madhe ku një kalimtari i është vënë zjarri në mes të rrugës, teksa po kthehej në shtëpi nga falja në një xhami. Pamjet e kamerave të sigurisë tregojnë kalimtarin duke biseduar me një burrë në rrugë dhe pasi ai largohet, trupi i tij merr flakë. Mediat britanike shkruajnë se kalimtari pësoi djegie në fytyrë, pasi u spërkat me një substancë të panjohur, pas orës 19:00 të ditës së djeshme.
Autoritetet britanike janë duke hetuar rastin, pasi një sulm i ngjashëm ka ndodhur pak kohë më parë, ku një 82-vjeçari i është vënë flaka jashtë një xhamie në Londër. Zëdhënësi zyrtar i kryeministrit Rishi Sunak, tha se ‘incidenti është mjaft shqetësues’. Burri u dërgua më pas në spital me lëndime të renda, por jashtë rrezikut për jetën.
m.b./dita
